इमेल, सामाजिक संजाल, अनलाइन अकाउन्ट सवैमा आजकल पासवर्ड प्रयोग गर्नुपर्छ । पासवर्ड चोरीका कारण धेरैले ठूलो क्षति व्यहोर्नु परेको छ ।
पासवर्ड प्रोटेक्सन र डाटा सेफ्टीका लागि काम गर्ने फर्म स्प्लास डाटाले सबैभन्दा खराब २५ पासवर्डको वाार्षिक लिस्ट सार्वजनिक गरेको छ । स्प्लास डाटाले यस्तो सूची जारी गर्न थालेपछि पहिलो पटक password नामक पासवर्ड यो सूचीबाट हराएको छ ।
दुई पटक दोस्रो नम्बरमा रहेको १२३४५६ पहिलो नम्बरमा उक्लिएको छ । यो इन्टरनेटमा प्रयोग हुने कमन पासवर्ड हो, जसलाई ह्याकरले चोरेर अनलाइनमा पोष्ट गरेका छन् । स्प्लास डाटाका अनुसार यो सूचीमा अडोबी प्रयोगकर्ताहरुबाट चोरिएको पासवर्डको डाटाको प्रभाव परेको छ । पछिल्लो वर्ष अडोबीको ३.२ करोड प्रयोगकर्ताको अकाउन्ट र पासवर्ड ह्याकरले चारेका थिए ।
स्प्लास डाटाका सीईओ मोर्गनजन स्लेनले भनेका छन्–यो सूचीमा abode123 र photoshop जस्ता पासवर्ड हेर्दा हामी यो सल्लाह दिन चाहन्छौं कि तपाई आफ्नो पासवर्ड वेबसाइट र एप्लिकेशनको नाममा नराख्नुस् ।’
स्प्लास डाटाका अनुसार झुर पासवर्डको सूचीमा रहेका पासवर्डको प्रयोग गर्नेहरु सबैभन्दा बढी खतरामा छन् । यदि तपाईहरुको पनि पासवर्ड यस्तै छ भने तत्काल परिवर्तन गर्नुस् ।
सुरक्षित पासवर्डका लागि स्प्लास डाटाले केही टिप्स पनि दिएको छ । मिक्स ८ अक्षरको पासवर्ड राख्नु पर्ने उसले बताएको छ । तर, dr4mar1c जस्ता पासवर्ड साइबर आक्रमणका लागि सहज मानिन्छ । j%7k&ypx$ जस्ता पासवर्ड सम्झन गाह्रो हुन्छ ।
No comments:
Post a Comment